فسبوک

که موږ په سیاست نه پوهېدلی نو هغه ملکونه چې موږ ته ترې خطر وي هغوی به مو د هغوی په خپلو لاسونو د جهاد په نامه نه وی تباه کړي. او که ستا په قول که مونږ په سیاست نه پوهیدلی نو د نړی مسلمانانو به زموږ ملک ته د ورځې پنځه وخته سجدې نه کولې.

تر ټولو مهمه آزادي د انسان فردي یا شخصي آزادي ده. که په هیواد کې دې خپل خلک هم حاکمان وي، خو که فردي آزادي ونلرې نو ته آزاد نه یې. د آزادۍ خوند په فردي آزادۍ کې دی او همدا اصلي آزادي ده.

ځه ښه ده چې د کفر ټاپې خپل ارزښت بیخي له لاسه ورکړی کنه ددې ټاپې په وجه مذهبي افراطیانو او مذهبي روبوټانو ډیر بیګناه خلک وژلي. دلته د کفر ټاپې تل په هغو لګول شوي چې د کار خلک وو، دا ټاپې پس له دې په ویاړ بدلېدونکي دي!

ملا وای په قران کي د موبایل، کمپیوټر، تلویزیون، موټر او نورو اسبابو ذکر نه دی شوی او دا ټول حرام ګڼي خو خپله له دغو ټولو وسایلو کار اخلي او هغه ورته حرام نه ښکاري. ساینس پوهانو ته کافر او ساینسي تعليم ته کفر وایي.

غږ پورته کړئ، چیرته مو چې دنده ده، مسولیت لرئ، نر غوندې د خپلې ژبې چوپړ وکړئ. له هیچا سره تعصب مه کوئ، فاشیزم ته لمن مه وهئ، خو خپل حق تر لاسه کړئ. لاندې مواردو ته پام وکړئ، بیا لږ په ګریوان کې سر ښکته کړئ.

زه د لومړي ځل لپاره یو حیاتي - اساسي اقدام ګورم چې ولسمشر غني بشري ځواک ته د ارزښت په سترګه وکتل د هغوی د تکلیف راکمولو اساسي غم خوړل یې پیل کړل. فینکس ته د تداوۍ لپاره د معتادو ځوانانو لېږل د افغانستان په تاریخ کې زما له نظره ترټولو په زړه پورې او انساني دنده وه، ولسمشر تر اندازې زیات په دې هڅه او پاملرنه ستایم.

له صحابوو نيولې تر امويانو، عباسيانو، عثمانيانو، داعشيانو، پنجابيانو، طالبانو او ملانو پورې هر څوک د رسوالله ص له نامه د يوې وسيلې په توګه کاروي تر څو ډيره زر او اسانه او پرېمانه ګټه وکړي.

راځئ دا د باميانو ړنګه شوې مجسمه بېرته ورغوو او تر څنګ یې د هندوانو او بودایانو د مذهبي کتابونو يو کتابتون هم جوړ کړو، ورسره شاوخوا هوټلونه، رسټورانټونه، سويممنګ پولونه، دوکانونه هم جوړ کړو.

په تېر دېرش څلوېښت کاله کې زموږ خلکو افغانیت لمانځلی، اخوانیت یې لمانځلی، پښتو یې لمانځلې، دري یې لمانځلې، انقلابونه یې لمانځلي، اسلام یې لمانځلی، کمیونیزم یې لمانځلی، نظریات او ایډیالوژۍ یې لمانځلي، خو عملي اقتصادي پروژې یې نه کله لمانځلي، نه یې غوښتي، نه یې ترانې ورته جوړې کړي، نه یې ستایلي دي.

موږ سره لدې هم پخپل افغانیت او یا پښتونولي ویاړو. په څه شي ویاړې؟ په جهالت؟ په فکري شاته پاتې والي؟ پخپل غربت؟