راځئ دا د باميانو ړنګه شوې مجسمه بېرته ورغوو او تر څنګ یې د هندوانو او بودایانو د مذهبي کتابونو يو کتابتون هم جوړ کړو، ورسره شاوخوا هوټلونه، رسټورانټونه، سويممنګ پولونه، دوکانونه هم جوړ کړو.

په تېر دېرش څلوېښت کاله کې زموږ خلکو افغانیت لمانځلی، اخوانیت یې لمانځلی، پښتو یې لمانځلې، دري یې لمانځلې، انقلابونه یې لمانځلي، اسلام یې لمانځلی، کمیونیزم یې لمانځلی، نظریات او ایډیالوژۍ یې لمانځلي، خو عملي اقتصادي پروژې یې نه کله لمانځلي، نه یې غوښتي، نه یې ترانې ورته جوړې کړي، نه یې ستایلي دي.

موږ سره لدې هم پخپل افغانیت او یا پښتونولي ویاړو. په څه شي ویاړې؟ په جهالت؟ په فکري شاته پاتې والي؟ پخپل غربت؟

عربان مونږ ته جوماتونه، مدرسې او معهدونه جوړوي خو ځانته د ساینس او ټکنالوژي ستر ستر مرکزونه. هغوی مو هم پيژني چې د جهادو او حورو دومره شوقیان یو چې ان خپل هیواد د دوی لپاره ورانوو. هسې هم مونږ ته دنیا دوه ورځې ده او د اخرت لپاره کار پکار دی.

دا پنجابی ملا طارق جميل چې په ممبر تقرير پيل کړي نو په خلقو غسلونه واړوي، د حورو او جنت دومره تقريرونه وکړي چې خلک د جنت او حورو د پاره په ځانونو پورې بمونه تړلو ته تيار شي، دا ملا تر ترهګرو هم خطرناک دی او د دې ملا په اصليت خبريدل د وخت ضرورت دی او مونږ د اسلام په نامه روان د ملایانو کاروبارو نه منو!!!

ولسمشر غني وايي، چې ترکمنستان ګاونډيو هېوادونو ته د تروریزم صادرولو پر ځای برعکس له خپلو ګاونډيو هېوادونو سره د سولې او همکارۍ لاس ورکوي.

ولسمشر مو ښه روان دی. ټاپي، سلما بند، بهرنۍ مرستې، په قرادادونو کې سپما، د سولې په اړه هلې ځلې او نور هغه څه دي چې د هیواد په ګټه دي. ولسمشر به تردې هم ښه روان شي که دا سیاسي ماشومان یې د پښو وهلو په ځای پښې ورکلکې کړي.

د ټاپي له پروژې سره هم‌مهاله به له افغانستان څخه ترکمنستان او بيا د آذربايجان له لارې اروپا ته د نوري فايبر (Fiber Optic) د غځونې پروژه هم پيل شي او په دې توګه به افغانستان د انټرنېټ او مخابراتو په برخه کې پاکستان ته له احتياج څخه د تل لپاره خلاص شي.

سپینه خبره به وکړم. پرون اردو وژلي وو ځکه پښتانه پورته پورته لویدل. خو نن ټالیب وژلي ځکه ډیری پښتون غلی دی. بیا وایو چې مونږ ترهګرپال نه یو. هر هغه څوک چې د ټالیب په وحشت سترګې پټوي ترهګرپال دی.

دا شل کاله مخکې روسانو د څلوېښتو ملیاردو ډالرو اته سوه الوتکي، شپږ زره چینه ټانګونه او ملیونونه میله وسله در پرېښوده، تاسې چې وسلې ته ناموس هم وایاست، هغه ټوله وسله مو ونه پلورله؟ په دې ټولو سربېره په پوزه مچ نه پرېږدئ، غټې غټې خبرې، لوی لوی نومونه.